De Oviedo a Galicia.....pasando por Arxentina

Pasar cada día por palabrasmaldichas pode  chegar a converterse na máis sana das adiccións. As propostas de lectura ( textos e imaxes) con que nos agasalla poden sumirnos nos pensamentos máis fondos ou, como neste caso despertar un sorriso co que volvemos a unha idade tan só lembrada. "Sirenas" é un poema inédito de Ángel Gonzalez, a quen tanto debe xiztoria, e ilustrado pola arxentina Valeria Docampo.

A fortuna (escrita con "f" de Francisco) fixo hoxe caer nas miñas mans o libro que so coñecía pola referencia de palabrasmaldichas. Paréntese: nada como ter o libro na man, máis se se trata dun libro ilustrado.

Disfrutei co poema, cos xogos de palabras de Ángel González, coa inocencia da poesía. Disfrutei coas ilustracións de Valeria Docampo cheas tamén de poesía, fermosísimas.Pero tamén hei dicir que dende o primeiro momento a atmosfera que creaban ambos, a paleta de cores que predominaban na palabra e na imaxe trasportoume aos cadros de Urbano Lugrís. Outro gran poeta, como Ángel, como Valeria. Vos xulgaredes!