Tómasa Lero. Nova incorporación á equipa de redacción de xiztoria.

Estes días de antroido, coincidindo cos seus estudos de doutorado, incorpórase dende a universidade de Pifiendorff en Pitufosland a profesora Tómasa Lero (podedes vela na fotografía que se adxunta seguidamente o día que chegou a Betanzos rodeada dun grupo de alumnas e alumno (¡) ás que lles tivemos que borrar co fotocho' unha pancarta que portaban reclamando "APROBADO XERAL en Historia para os de ciencias sen necesidade de Navidul". que non parecía adecuado para a recepción de tan ilustre profesora.

En calquera caso, a profesora agradeceu vivamente o recebemento i en conversa privada co profesor titular, Julián Ferrer, só manifestou a súa preocupación por se non ía arreglada dabondo para un encontro de tal transcendencia ( ao parecer non puido ir á peluquería de Pifiendorff e tiña o flequillo algo desarreglado)
A profesora Lero é discípula dos prestixiosos profesores María Guacero, profesora titulada en “Xogo da Oca no Iº te'cio do s. XVII en Ehpaña", e José Máforo, doutor en Trivial Pursuit pola Universidade de Pifiendorff , que nos visitou hai tres anos e do que aínda conservamos unha entrañable imaxe nos nosos arquivos e un recordo inesquecible.

Tómasa Lero é unha prestixiosa docente que está a realizar unha investigación na nosa terra e aproveitará durante os días do entroido para participar neste blog propoñendo reflexións e actividades relacionadas coa nosa asignatura. Para ben dos seus estudos sería de agradecer a máxima participación de todos vos (o da pancarta e do Navidul .... veremos)

Para empezar a profesora suxíre que empezemos por facer unha pequena enquisa sobre o tipo de exames que vos gustaría realizar. Dependendo do resultado deste primeiro cuestionario ela vai elaborar o seu traballo posterior.

HISTORIA DE ESPAÑA CONTEMPORÁNEA ( por R.D. de 17.II.1989, bicentenario da Revolución Francesa). Convocatoria de examen extraordinario de antroido.

Nome……………………………......... nº de calorías inxeridas no último xantar.......................Tensión arterial........................... % de glucosa en sangue.................................................

Elixa o tipo de examen que desea realizar:
a) Tipo uno b) Tipo dous c) Tipo test d) Tipo cuatro

Mañá en Ría-Tozix empezan os exames de Tómasa Lero